Өзбекстан Республикасы Президенти Шавкат Мирзиёев Александр Лукашенконы Беларусь Республикасының Президентлик сайлаўында ерискен исенимли жеңиси менен қутлықлады.

Мәмлекетимиз басшысы өз хатында сайлаўшылар қатнасыўының жоқары дәрежеси ҳәм даўыс бериў нәтийжелери Беларусь халқының Александр Лукашенкоға болған үлкен исенимин ҳәм тилеклеслигин, халықтың турмыс дәрежесин ҳәм сапасын арттырыў, мәмлекетте турақлы экономикалық өсиўди тәмийинлеў жолында әмелге асырылып атырған нәтийжели реформалардың даўам еттирилиўин толық қоллап-қуўатлап атырғанын және бир мәрте көрсеткенин атап өтти.

Шавкат Мирзиёев Өзбекстан ҳәм Беларусь арасындағы жоқары дәрежедеги ушырасыўларда ерисилген келисимлерди әмелге асырыў еки тәреплеме қатнасықларды анық мазмун-экономика тармақларында кооперация бойынша әҳмийетли жойбарлар ҳәм гуманитар алмасыўға байланыслы бағдарламалар менен байытатуғынына исеним билдирди.

Мәмлекетимиз басшысы Александр Лукашенкоға беккем денсаўлық, абаданлық ҳәм жаңа табыслар, дос Беларусь халқына болса тынышлық-татыўлық ҳәм раўажланыў тиледи.

 

ӨзА