10-августтан баслап Нөкис қаласында ҳәрекет ететуғын автобус жөнелислери ҳаққында мағлыўмат берилди

Қарақалпақстан Республикасы Коронавирус инфекциясының тарқалыўына қарсы гүресиў илажларын муўапықластырыў бойынша оператив Штабының арнаўлы протоколы тийкарында 2020-жылдың 10-август сәнесинен баслап Нөкис қалалық саўда комплекси ҳәм айрым транспорт түрлериниң жолаўшы тасыўына рухсат берилгенлиги ҳаққында хабар берген едик.

 

Қарақалпақстан Республикасы Транспорт министрлигиниң хабар бериўинше, 2020-жыл 10-августтан баслап министрликке қараслы «Автотранс Шымбай» мәмлекетлик унитар кәрханасы тәрепинен Нөкис қаласында 9 жөнелис бойынша 45 автобус жолға қойылады.

 

Булар:

1-Нөкис арқа-батыс автовокзал – Нөкис қалалық саўда комплекси (Төрткүл гүзары бойлап)

 

2-Саманбай елаты – Нөкис қалалық саўда комплекси

 

3-Жийдели Байсын – Әскерий горнизон

 

4-Нөкис арқа-батыс автовокзал – Нөкис қалалық саўда комплекси (А.Досназаров көшеси бойлап)

 

8-Жийдели Байсын елаты – Нөкис қалалық саўда комплекси (А.Досназаров бойлап)

 

9-Боз аўыл елаты – Қум аўыл елаты

 

11-Қызкеткен елаты – Спорт комплекс

 

12-Шадлы аўыл – Спорт комплекс

 

17-Нөкис арқа-батыс автовокзал – Темир жол вокзалы (Водаканал, Ш.Рашидов, А.Досназаров көшелери бойлап)

 

Соның менен бирге,  Нөкис қалалық саўда комплексине пуқаралардың келип кетиўи ушын жолаўшы тасыў жумысы менен шуғылланыў лицензиясына ийе болған жөнелиссиз таксилердиң күн даўамында карантин талапларына қатаң әмел қылған ҳалда ҳәрекетлениўине де рухсат етиледи.

 

Қарақалпақстан хабар агентлиги

  09.08.2020, 11:40  |    351 мәрте көрилди

Thanks!

Our editors are notified.