«Шылым» операциясы ақырына жетпеди

Қарақалпақстан Республикасы бажыхана басқармасының мағлыўматларына қарағанда,  «Даўыт-ата» шегара бажыхана постында гезектеги нызам бузыўшылыққа шек қойылды.

Республикамызға кирип келген пуқара Н.Ф. басқарыўындағы жүк автотранспорт қуралы белгиленген тәртипте бажыхана тексериўинен өткерилгенде, автотранспорт қуралының аўысық бөлеклери сақланатуғын орнында шылым ушын мөлшерленген аксессуарлар ҳәм шылым шегиўде пайдаланылатуғын темеки өнимлери бар екенлиги анықланды.

Бажыхана бақлаўынан жасырын түрде алып өтилген 367 дана шылым ушын аксессуарлар ҳәм 56 кг. салмақтағы 349 дана шылым шегиўге мөлшерленген темеки өнимлериниң улыўма баҳасы шама менен 100 млн. сумды  қурайды.

Бул факт бойынша ҳәзирги ўақытта бажыхана уйымларында сорастырыў ҳәрекетлери алып барылмақта.

 

Қарақалпақстан хабар агентлиги

  30.07.2020, 10:39  |    152 мәрте көрилди