Өзбекстан Республикасы Президенти Шавкат Мирзиёев Иран Ислам Республикасы Президенти Масуд Пезешкиан менен телефон арқалы сөйлести.

Сөйлесиў алдынан мәмлекетимиз басшысы Иран Президентин туўылған күни менен қызғын қутлықлап, оған беккем денсаўлық, шаңарақлық бахыт-ығбал ҳәм жуўапкершиликли мәмлекетшилик жумысында үлкен табыслар тиледи.

Сөйлесиў даўамында кең көлемли бирге ислесиўди раўажландырыў, атап айтқанда, саўда-экономикалық, инвестициялық ҳәм мәдений-гуманитарлық тараўлардағы байланысларды буннан былай да жеделлестириўге айрықша итибар қаратылды.

Өзбекстан ҳәм Иран Президентлери регионаллық күн тәртиби ҳәм болажақ илажлар режеси бойынша да пикир алысты.

ӨзА