Өзбекстан Республикасы Президенти Шавкат Мирзиёев 24-июль күни Қатар Мәмлекети Әмири Шайх Тамим бин Ҳамад Ол Соний менен телефон арқалы сөйлести.

Сөйлесиў алдынан мәмлекетимиз басшысы Қатар Әмириниң Жақын Шығыста тынышлық ҳәм турақлылықты тәмийинлеў бағдарындағы жедел ҳәрекетлерин жоқары баҳалады.

Өзбекстан – Қатар стратегиялық шериклик ҳәм көп тәреплемели бирге ислесиў қатнасықларын жаңа басқышқа көтериў мәселелери додаланды. Жоқары дәрежедеги нәтийжели сөйлесиў ҳәм алмасыўлар жеделлесип атырғаны айрықша қанаатланыўшылық пенен атап өтилди.

Телефон арқалы сөйлесиў ўақтында сиясий сөйлесиў ҳәм саўда-экономикалық, инвестициялық жойбарларды жеделлестириў бойынша өз-ара муўапықластырылған илажларды көриўге келисип алынды.

Өзбекстан ҳәм Қатар жетекшилери жоқары дәрежедеги илажлар режеси бойынша да пикир алысты.

ӨзА