Өзбекстан Республикасы Президенти Шавкат Мирзиёев Иран Ислам Республикасы Президенти Масъуд Пезешкиян менен телефон арқалы сөйлести.

Сөйлесиў алдынан Иран Президенти мәмлекетимиз басшысын туўылған күни менен қызғын қутлықлап, беккем денсаўлық, шаңарақлық бахыт-ығбал ҳәм жуўапкершиликли жумысында жаңа табыслар тиледи.

Өзбекстан жетекшиси Жақын Шығыс регионында кескинлик даўам етип атырғанынан айрықша қәўетерленип, ҳәзирги ўақытта салмақлылықты сақлаў ҳәм сөйлесиўди қайта тиклеў ҳәр қашанғыдан да әҳмийетли екенин айрықша атап өтти.

Телефон арқалы сөйлесиў даўамында еки тәреплеме бирге ислесиўди және де раўажландырыў, атап айтқанда, саўда-экономикалық, инвестициялық, транспорт ҳәм мәдений-гуманитарлық тараўлардағы байланысларды кеңейтиўге келисип алынды.

Өзбекстан ҳәм Иран жетекшилери күн тәртибиндеги басқа да мәселелер бойынша пикир алысты.