Бүгинги күнде республикамызда төмен күшлениўли электр тармақларын модернизациялаў ҳәм реконструкциялаў бойынша кең көлемли жумыслар әмелге асырылмақта.

Соны айрықша айтыў керек, усы жылы арнаўлы бағдарламалар шеңберинде Қарақалпақстанда жәми 818,4 километрлик 0,4-10 кВ.лық электр узатыў тармақлары, 219 трансформатор пунктлери, 7 ячейка және 8  бөлистириў пунктлерин (РП) реконструкциялаў ҳәм модернизациялаў жумысларын алып барыў режелестирилген. Соннан, бүгинги күнге шекем әмелде 212,8 километрлик электр узатыў тармақлары ҳәм 23 трансформатор пунктлери орнатылып, қурылыс-монтажлаў жумыслары даўам етпекте.

Әмелге асырылып атырған жумыслар қатарында мәмлекетимиз басшысының арнаўлы тапсырмасына тийкар 459-санлы Президент қарары ҳәм Министрлер Кабинетиниң 53-санлы қарарының орынланыўын тәмийинлеў мақсетинде 2025-2029-жыллар аралығында Қарақалпақстан Республикасы ҳәм Сурхандәрья ўәлаятында Жәҳән банкиниң 50 миллион АҚШ доллары муғдарындағы қаржылары есабынан төмен күшлениўли 0,4-110 кВ.лық тармақларды модернизациялаў ҳәм реконструкциялаў нәзерде тутылған.

Усы жойбар шеңберинде 2026-жылы 102,2 млрд. сумға шамалас қаржы есабынан Қарақалпақстанда 462,5 километрлик электр узатыў тармақлары, 8 бөлистириў пункти (РП), 6 ячейка ҳәм 118 трансформатордың жаңадан орнатылыўы белгиленген. Бүгинги күнде объектлердиң жойбар-сметалық жумыслары жуўмақланып, қурылыс-монтажлаў жумысларын баслаў ушын зәрүр материаллар топланбақта.

Жақында усы жойбардағы жумыслар шеңберинде 8 дана трансформатор пунктлери Қарақалпақстанға алып келинди. Және 110 дана трансформатор алып келинеди.

Қарақалпақстан хабар агентлиги