Сенаттың Бюджет ҳәм экономикалық мәселелер комитетиниң мәжилисинде елимизде экономикалық реформаларды избе-из даўам еттириў, инвестициялық орталықты буннан былай да жақсылаў және айырым тараўларды ҳуқықый жақтан жетилистириўге қаратылған бир қатар нызамлар дәслепки тәризде додаланды.

“Базар қадағалаўы ҳаққында”ғы нызам базар қадағалаўы тараўындағы қатнасықларды ҳуқықый жақтан тәртипке салыў, өнимлердиң қәўипсизлигин тәмийинлеў және инсанның өмири ҳәм денсаўлығын, тутыныўшылардың ҳуқықларын ҳәм қоршаған орталықты қәўипли өнимлерден қорғаўға қаратылған.

Нызам менен базар қадағалаўын әмелге асырыў механизмлери, ўәкилликли уйымлардың ўазыйпалары және экономикалық операторлардың ҳуқықлары менен миннетлемелери белгиленбекте.

Сенаторлар нызамның әмелиятта нәтийжели қолланылыўын тәмийинлеўге байланыслы айырым мәселелер бойынша ҳәр тәреплеме пикир алысты.

Мәжилисте “Ташкент халықаралық финанс орайы ҳаққында”ғы Өзбекстан Республикасының конституциялық нызамы да додаланды.

Бул нызам Ташкент халықаралық финанс орайының ҳуқықый статусын белгилеў, мәмлекетимизге халықаралық инвестицияларды кеңнен тартыў, капитал базарын раўажландырыў және финанслық хызметлер ушын заманагөй ҳәм бәсекиге шыдамлы ҳуқықый орталық жаратыўға қаратылған.

Нызам менен Қаржы орайы аймағында арнаўлы ҳуқықый режимди енгизиў, инвесторлардың ҳуқықларын исенимли қорғаў, Ташкент халықаралық коммерциялық суды ҳәм Қаржы хызметлери басқармасы жумысының ҳуқықый тийкарларын белгилеў нәзерде тутылмақта.

Мәжилисте “Өзбекстан Республикасында хызмет көрсеткен коммуналлық хожалығы хызметкери” ҳүрметли атағын шөлкемлестириў ҳаққында”ғы нызам да көрип шығылды.

Н.Абдураимова, ӨзА