Өзбекстан Республикасы Президенти Шавкат Мирзиёев 6-июль күни телефон арқалы сөйлесиўде Қазақстан Республикасының биринши Президенти Нурсултан Назарбаевты туўылған күни менен қызғын қутлықлап, оған беккем денсаўлық, бахыт-ығбал ҳәм узақ өмир тиледи.

Мәмлекетимиз басшысы Нурсултан Назарбаевтың заманагөй Қазақстанды қурыў, Орайлық Азияда регионаллық бирге ислесиўди алға қойыў және Өзбекстан – Қазақстан стратегиялық шериклик ҳәм аўқамласлық қатнасықларын беккемлеўге қосқан үлкен үлесин айрықша атап өтти.

Өзбекстан менен Қазақстан арасындағы беккем дослық, жақын қоңсышылық ҳәм өз-ара жәрдем байланысларына тийкарланған көп тәреплеме бирге ислесиўдиң бүгин жоқары пәт пенен раўажланып атырғаны қанаатланыўшылық пенен атап өтилди.