Олий Мажлис Сенатына Беларусь Республикасының Өзбекстандағы Айрықша ҳәм толық ҳуқықлы елшиси Александр Огородников келди.

Сенаттың Халықаралық қатнасықлар, сыртқы экономикалық байланыслар, сырт ел инвестициялары ҳәм туризм мәселелери комитетиниң баслығы Алишер Аъзамхўжаев пенен ушырасыўда Өзбекстан ҳәм Беларусь арасындағы еки тәреплеме қатнасықлар – парламентлераралық бирге ислесиўди буннан былай да беккемлеў, саўда-экономикалық, инвестициялық, мәдений-гуманитарлық ҳәм туризм тараўларындағы байланысларды кеңейтиў мәселелери додаланды.

Өз-ара сапар етиўлер ҳәм қоспа илажларды даўам еттириў, сондай-ақ, халықаралық парламент майданларындағы бирге ислесиўди буннан былай да раўажландырыў айрықша әҳмийетке ийе екени атап өтилди.

Тәреплер еки ел арасындағы дослық қатнасықлар ҳәм стратегиялық шерикликти беккемлеў, парламентлераралық сөйлесиўди кеңейтиў және еки ҳәм көп тәреплеме форматлардағы әмелий бирге ислесиўди избе-из даўам еттириўге таяр екенин билдирди.

                                                           Н.Абдураимова,

                                                           ӨзАның хабаршысы