Өзбекстан Республикасы Президенти Шавкат Мирзиёев 25-июнь күни Америка Қурама Штатларының Саўда ўәкили Жеймисон Грирди қабыллады.

Ушырасыў алдынан ўәкил мәмлекетимиз жетекшисине АҚШ Президенти Дональд Трамптың қызғын сәлемин ҳәм жақсы тилеклерин жеткерди.

Өзбекстан – АҚШ стратегиялық шериклик қатнасықларын, бәринен бурын, саўда-экономикалық тараўда және де беккемлеўдиң әҳмийетли мәселелери көрип шығылды.

Исбилерменлик байланысларының жеделлескени, өз-ара товар алмасыў ҳәм инвестиция көрсеткишлериниң турақлы өсип атырғаны қанаатланыўшылық пенен атап өтилди.

Жақында болып өткен Ташкент халықаралық инвестиция форумы шеңберинде Америка бизнеси ўәкиллери менен өткерилген дөгерек сәўбетиниң әмелий нәтийжелери додаланды.

Елимиздиң Жәҳән саўда шөлкемине ағза болыўы шеңберинде бирге ислесиў ҳәм бул процесслер келешекте де АҚШ тәрепинен қоллап-қуўатланыўына айрықша итибар қаратылды.

Жаңа жойбарлаў басламаларын анықлаў ҳәм алға қойыў ушын Америка – Өзбекстан исбилерменлик ҳәм инвестиция кеңеси механизминен нәтийжели пайдаланыў әҳмийетли екенлиги атап өтилди.

ӨзА