Өзбекстан Миллий Олимпиада комитети баслығының биринши орынбасары, Азия Олимпиада кеңесиниң вице–президенти Отабек Умаров АҚШта дүньяның ең абырайлы аралас жеке гүрес шөлкеми UFC президенти Дана Уайт пенен ушырасыў өткерди.

Қызғын руўхта болып өткен сөйлесиў даўамында спорт индустриясының бүгинги раўажланыў тенденциялары, профессионал ҳәм жаўынгерлик спорт түрлерин ғалаба ен жайдырыў және халықаралық бирге ислесиў перспективалары бойынша пикир алысылды.

Өз гезегинде Уайт UFC шөлкеминиң жумысы, спорт инфраструктурасы ҳәм шөлкемниң жаңа режелери ҳаққында мағлыўмат берди.

Тәреплер спорт арқалы жасларды саламат турмыс тәризине тартыў, ири спорт жойбарларын қоллап-қуўатлаў ҳәм өз-ара пайдалы бирге ислесиў имканиятларын избе-из даўам еттириў зәрүрлигин атап өтти ҳәм келешектеги режелер көрип шығылды.

Додалаўлар ўақтында Өзбекстанда күшли бокс дәстүрлери ҳәм дүньяға белгили спортшылардың көп екенлигин тән алған ҳалда мәмлекетимизде UFC тармағындағы ZUFFA Boxing беллесиўлерин шөлкемлестириў усынысы алға қойылды.

Т.Рўзиев, ӨзА