Олий Мажлис Сенаты кеңесиниң мәжилиси болып өтти. Онда Өзбекстан Республикасы Конституциясы ҳәм “Өзбекстан Республикасы Олий Мажлисиниң Сенаты ҳаққында”ғы Өзбекстан Республикасы конституциялық нызамына муўапық Өзбекстан Республикасы Президенти тәрепинен Өзбекстан Республикасы Жоқарғы судының баслығы лаўазымына киргизилген талабан көрип шығылды.

Мәселени додалаў жуўмағында Олий Мажлис Сенаты кеңесиниң Робахон Анваровна Маҳмудованы судьялық лаўазымында болыўдың мүддетсиз дәўирине ҳәм Өзбекстан Республикасы Жоқарғы судының баслығы лаўазымына бес жыл мүддетке сайлаў ҳаққындағы қарары қабыл етилди.

Олий Мажлис Сенаты кеңесиниң гезектеги мәжилиси болып өтти. Онда Сенат кеңеси тәрепинен Өзбекстан Республикасы Президентиниң усынысына бола Олий Мажлис Сенатының кеңеси тәрепинен Бахтиёр Жаҳонгирович Исломовты Өзбекстан Республикасы Жоқарғы судының баслығы лаўазымынан азат етиў ҳаққында қарар қабыл етилди.

ӨзА