Өзбекстан Республикасы Президенти Шавкат Мирзиёевтиң мирәт етиўине бола Германия Федеративлик Республикасы Президенти Франк-Вальтер Штайнмайер өмирлик жолдасы менен биргеликте елимизде рәсмий сапарда болып тур.

Жоқары мәртебели мийман “Жаңа Өзбекстан” паркине барды. Комплексте жоқары мәртебели мийман менен Өзбекстан Республикасы сыртқы ислер министри Бахтиёр Саидов ҳәм басқа да рәсмийлер бирге болды.

Германия Федеративлик Республикасы Президенти Франк-Вальтер Штайнмайер Ғәрезсизлик монументине гүл қойып, халқымыздың азат ҳәм абадан турмыс жолындағы ийгиликли умтылысларын өзинде жәмлеген бул саўлатлы комплекске жоқары ҳүрмет көрсетти.

Ғәрезсизлик монументи әсирлер даўамында қәлиплескен мәмлекетшилик дәстүрлеримиз, халықтың миллий қәдириятлары ҳәм жақсы арзыў-нийетлериниң айқын тымсалы болып есапланады. Онда елимиздиң дөретиўшилик потенциалы, уллы ата-бабаларымыздың бай илимий-ағартыўшылық мийрасы ҳәм Ўатан раўажланыўы жолындағы ҳәрекетлери көркем сөзлерде өз көринисин тапқан.

Германия Президентиниң елимизге рәсмий сапары даўам етпекте.

Марҳабо ҲОЖИАКБАРОВА,

Сарвар ЎРМОНОВ (фото), ӨзА