Қарақалпақстан Республикасы Министрлер Кеңесиниң Баслығы Фарход Эрманов Қытай Халық Республикасының “Shanxi Xinhuo Industrial group co., ltd” компаниясы ўәкиллери менен ушырасты.

Ушырасыў даўамында геологиялық-излеў жумысларын әмелге асырыў, перспективалы кәнлерди анықлаў ҳәм өзлестириў, сондай-ақ, пайдалы қазылмаларды қазып алыў тараўында бирге ислесиўди раўажландырыў мәселелери додаланды.

Өткерилген ушырасыў жуўмағында тәреплер арасында геология-излеў ҳәм қазып алыў бағдарларында бирге ислесиўди жолға қойыўға қаратылған меморандумға қол қойылды. Бул ҳүжжет аймақтың минерал-шийки зат базасын кеңейтиў, заманагөй технологияларды тартыў, жаңа инвестициялық жойбарларды әмелге асырыў ҳәм жаңа жумыс орынларын жаратыўға хызмет етеди.

Тәреплер меморандум шеңберинде өз-ара пайдалы бирге ислесиўди избе-из раўажландырыў, перспективалы жойбарларды биргеликте әмелге асырыў ҳәм тараўдың экспорт потенциалын арттырыў бағдарында тығыз бирге ислесиўге келисип алынды.

Қарақалпақстан хабар агентлиги