Өзбекстан Республикасы Президенти Шавкат Мирзиёевтиң Астана қаласына әмелий сапары жуўмақланды.

Мәмлекетимиз басшысы Жоқары Евразия экономикалық кеңесиниң гезектеги жыйналысында шығып сөйледи.

Сапар шеңберинде Өзбекстан Республикасы ҳәм Қазақстан Республикасы арасында инвестиция ҳәм саўда тараўларында жоқары дәрежеде ерисилген келисимлерди әмелге асырыў бойынша “жол картасы”на қол қойыў мәресими де болып өтти.

Илажлар жуўмақланғаннан соң, мәмлекетимиз жетекшиси Астана халықаралық аэропортынан Ташкентке жөнеп кетти. Жоқары мәртебели мийманды Қазақстан Республикасы Бас министриниң орынбасары – миллий экономика министри Серик Жумангарин ҳәм басқа да рәсмий ўәкиллер шығарып салды.