Өзбекстан Республикасы Президенти Шавкат Мирзиёев 22-май күни Россия Федерациясы Президенти Владимир Путин менен телефон арқалы сөйлести.

Жоқары дәрежеде ерисилген келисимлерди әмелге асырыў шеңберинде Өзбекстан – Россия кең көлемли стратегиялық шериклик ҳәм аўқамласлық қатнасықларын буннан былай да раўажландырыў ҳәм беккемлеўдиң әҳмийетли мәселелери додаланды.

Түрли дәрежелердеги нәтийжели байланыслар қанаатланыўшылық пенен атап өтилди. Парламентлераралық, исбилерменлик ҳәм мәдений-гуманитарлық алмасыўлар жедел раўажланбақта.

Товар алмасыў көлеми турақлы өсип бармақта, жыл басынан берли 23 процентке артты. Санаат, энергетика, транспорт ҳәм басқа да әҳмийетли тараўларда, соның ишинде, регионлар дәрежесинде ири кооперация жойбарлары әмелге асырылмақта.

Өзбекстан ҳәм Россия басшылары болажақ еки ҳәм көп тәреплеме илажлардың режесин де көрип шықты.

ӨзА