Өзбекстан Республикасы Президентиниң Пәрманы

Өзиниң жарқын таланты, жоқары профессионаллық шеберлиги ҳәм излениўшеңлиги, нәтийжели дөретиўшилик жумысы менен елимизде кино көркем өнерин раўажландырыў ҳәм дүнья көлеминде үгит-нәсиятлаў, халқымыздың көркем-эстетикалық ҳәм руўхый потенциалын арттырыўға мүнәсип үлес қосып киятырғаны, Францияның Канн қаласында өткерилген инклюзив фильмлер халықаралық фестивалында “Қәдем. Қуяш баласы Юсуф” қысқа метражлы фильми менен табыслы қатнасып, бас сыйлық – Гран-приди қолға киргизгени, миллий қәдириятларымызды сәўлелендиретуғын көркем образларды жаратыў, жас әўлад қәлбинде ана Ўатанға муҳаббат ҳәм садықлық сезимлерин күшейтиў бағдарындағы хызметлери ушын төмендегилер “Келажак бунёдкори” медалы менен сыйлықлансын:

Қодиров Суҳроб Толмасович  – еркин дөретиўши, сценарист, кинорежиссёр;

Усмонов Дилшодбек Холмурод ўғли  – С.А.Герасимов атындағы Пүткилроссия мәмлекетлик кинематография институтының Ташкент қаласындағы филиалы студенти, кинорежиссёр.

Өзбекстан Республикасы Президенти

Ш.Мирзиёев