Түркстан қаласында Өзбекстан Республикасы Президенти Шавкат Мирзиёевтиң қатнасыўында Түркий мәмлекетлер шөлкеминиң рәсмий емес саммити басланды.

Конгресс орайында мәмлекетимиз басшысын Қазақстан Республикасы Президенти Қасым-Жомарт Тоқаев қызғын күтип алды.

Делегациялардың басшылары биргеликте сүўретке түсти.

Мәжилис басланыўынан алдын жетекшилер Түркий цивилизация орайы қурылысының тырнағын қалаў мәресиминде қатнасты.

Қазақстанның басламасы менен қурылып атырған бул комплекс түркий халықлардың уқсас тамырлары, бай тарийхый-мәдений мийрасы ҳәм цивилизациялар бирлигин көрсетиўге хызмет етеди. Жойбар түркий дүнья мәмлекетлери арасында илимий, мәдений-гуманитарлық бирге ислесиўди кеңейтиў, руўхый жақынлықты беккемлеў, улыўма қәдирият ҳәм дәстүрлерди кеңнен үгит-нәсиятлаўға қаратылған.

Буннан соң жетекшилерге Қазақстанның санлы шешимлери ҳәм Түркий мәмлекетлер шөлкемине ағза мәмлекетлердиң IT ҳәм жасалма интеллект тараўындағы биргеликтеги басламалары таныстырылды.