Бозатаў районындағы 1-санлы улыўма билим бериў мектебинде  устаз-муғаллимлер арасында саламат турмыс тәризин үгит-нәсиятлаў, денетәрбия ҳәм спортты ғалаба ен жайдырыў ҳәм оқыўшыларға жеке үлги көрсетиў арқалы жәмәәтте аўызбиршиликти беккемлеў мақсетинде,  мектеп ҳәм мектепке шекемги билимлендириў тараўында хызмет етип киятырған ҳаял-қызлар арасында волейбол бойынша “Министр кубоги” жарысларының районлық басқышы өткерилди.

Спорт жарысының ашылыў салтанатына район ҳәкиминиң орынбасары, Шаңарақ ҳәм ҳаял-қызлар бөлиминиң баслығы А.Хожагелдиева, районлық мектепке шекемги ҳәм мектеп билимлендириўи бөлими ҳәм район спорт мектеби ўәкиллери қатнасып, жарыс қатнасыўшыларына табыслар тиледи.

Өткерилген жарыс жуўмағында, 10-санлы улыўма орта билим бериў мектебиниң командасы биринши орынды ийелеўге еристи.

Ал, сыйлы екинши ҳәм үшинши орынлар болса, 2-санлы ҳәм 1-санлы мектеплердиң командаларына несип етти.

Жарыс жеңимпазлары шөлкемлестириўшилер тәрепинен таярланған арнаўлы кубок ҳәм дипломлар менен сыйлықланды.

Қарақалпақстан хабар агентлиги