Өзбекстан ҳәм АҚШтың Юта штаты арасындағы бирге ислесиўди раўажландырыўға бағышланған илаж шеңберинде Олий Мажлис Сенатының Баслығы Танзила Норбоева АҚШтың усы штат Сенатының баслығы Стюарт Адамс басшылығындағы делегация менен ушырасты.

Сөйлесиўде Өзбекстан ҳәм Юта штаты арасындағы қатнасықлар соңғы жыллары избе-из раўажланып, парламентлераралық байланыслар, билимлендириў, экономика, денсаўлықты сақлаў, гуманитарлық бирге ислесиў ҳәм инсан капиталының потенциалын арттырыў сыяқлы бағдарларда жаңа басқышқа көтерилип атырғаны атап өтилди.

Тәреплер Юта штаты ҳәм Өзбекстан арасындағы шериклик беккем әмелий мазмун иелеп атырғанын атап өтти.

Атап айтқанда, Юта штатының ўәкиллери Өзбекстанға турақлы түрде келмекте. Еки тәреплеме байланысларды кеңейтиўге болған қызығыўшылық барған сайын артып бармақта. Билимлендириў мәкемелери, исбилермен топарлар ҳәм жәмийетлик шөлкемлер арасындағы бирге ислесиў байланыслары да беккемленбекте.

Ушырасыў жуўмағында тәреплер өз-ара бирге ислесиўди және де кеңейтиў, орнатылған байланысларды институционаллық жақтан беккемлеў ҳәм биргеликтеги жойбарларды әмелге асырыўда сөйлесиўди даўам еттириўге таяр екенин билдирди.

Н.Абдураимова, ӨзАның хабаршысы