Өзбекстан Республикасы Президенти Шавкат Мирзиёев қорғаныў министри Шуҳрат Холмуҳамедовтың Түркия менен әскерий бирге ислесиўди беккемлеў бағдарында әмелге асырылып атырған жумыслар бойынша есабатын тыңлады.

Ушырасыўда Түркия Республикасы Қураллы Күшлериниң жоқары мәртебели ўәкили де қатнасты.

Жоқары дәрежеде ерисилген келисимлерди әмелге асырыў шеңберинде еки мәмлекет қорғаныў уйымлары арасындағы бирге ислесиўди буннан былай да беккемлеўдиң әҳмийетли мәселелери көрип шығылды.

Әскерий-техникалық бирге ислесиў избе-из раўажланып, соның ишинде, уйымлараралық байланыслар кеңейип атырғаны, биргеликтеги илажлар шөлкемлестирилип, әскерий қәнигелер таярланып атырғаны айрықша атап өтилди.

Әскерий тараўдағы шерикликти және де тереңлестириў бағдарындағы умтылыс исенимли екени атап өтилди.

ӨзА