Өзбекстан Республикасы Президенти Шавкат Мирзиёев Қазақстан Республикасы Президенти Қасым-Жомарт Тоқаевтың мирәт етиўине бола Регионаллық экологиялық саммит ҳәм Аралды қутқарыў халықаралық қорын шөлкемлестириўши мәмлекетлер басшылары кеңесиниң мәжилисинде қатнасыў ушын 21-22-апрель күнлери әмелий сапар менен Астана қаласында болады.

Болажақ илажлар даўамында Орайлық Азияның турақлы раўажланыўы жолында регионаллық бирге ислесиўди беккемлеў, регионның әҳмийетли экологиялық, климат ҳәм суў машқалаларын шешиў мәселелери додаланады.

Президентимиз бул мәселелер бойынша өз пикир-усыныслары менен ортақласады, миллий павильонлардан ибарат арнаўлы экологиялық көргизбеге барады.

Саммитлердиң жуўмағында бир қатар әҳмийетли ҳүжжетлердиң қабыл етилиўи күтилмекте.

ӨзА