Нөкис қаласында жаңадан бой тиклеген Гимнастика спорт түрлерине таярлаў орайында спорт гимнастикасы бойынша 17 жастағы жаслар арасында  Өзбекстан чемпионаты болып өтти.

Чемпионатқа мәмлекетимиздиң барлық аймақларынан жас спортшылар қатнасып, жеңимпазлық ушын өз-ара беллести.

Оғада қызықлы өткен еркин шынығыў беллесиўлерине республикамыздың жас гимнастлары арасынан Азиза Жалғасбаева қола ҳәм гүмис, Фарида Аманбаева ҳәм Атабек Полатов алтын, Бегзад Бахтияров гүмис, таянып секириўде Атабек Полатов алтын, дөңгелек шеңберде Бегзад Бахтияров алтын, Атабек Полатов гүмис, брусьта  Азизбек Зарлыков алтын, Бегзад Бахтияров гүмис, атта Ахмед Зарипбаев гүмис медальларды жеңип алыўға миясар болды.

Ал, командалық беллесиўлерде болса, Атабек Полатов, Азизбек Зарлыков, Ахмед Зарипбаев ҳәм Тимурбек Теңелбаевтан ибарат командамыз Ташкент қаласы ҳәм Наманган ўәлаяты командаларынан соң сыйлы үшинши орынды ийелеўге миясар болды.

Жарыс жеңимпазларын чемпионатқа Улығбек Адилбеков, Серик Абуов, Зульфия Хайрова, Бахыт Мусаева ҳәм Гүлмира Жумамуратовалар таярлады.

Адилбай Оразов,

Қарақалпақстан хабар агентлиги шолыўшысы