2026-жылдың январь-февраль айларында Өзбекстанда 3,7 трлн сумлық электр үскенелери ислеп шығарылды. Миллий статистика комитетине бола, бул көрсеткиш 2025-жылдың сәйкес дәўирине салыстырғанда 10,8 процентке артқан.

Атап өтилиўинше, ең жоқары көрсеткиш Ташкент қаласының үлесине туўра келип, 2,2 триллион сумлық өним ислеп шығарылған. Сондай-ақ, Ташкент ўәлаятында 740,3 млрд сумлық электр үскенелери ислеп шығарылған.

Басқа аймақлар арасында Наманган ўәлаяты 234,6 млрд сум, Самарқанд ўәлаяты 177,1 млрд сум ҳәм Әндижан ўәлаяты 162,7 млрд сум көрсеткиш пенен жетекши орынларды ийелеген.

Қалған аймақларда өндирис көлеми салыстырмалы төмен. Соның ишинде, Қарақалпақстан Республикасында 0,5 млрд сум, Сурхандәрья ўәлаятында 1 млрд сумлық өним ислеп шығарылған,- деп мәлимлеме береди xabar.uz сайты.

Қарақалпақстан хабар агентлиги