Бүгин, 27-март күни пайтахтымызда футбол бойынша “FIFA Series – 2026” жарысы старт алады ҳәм 30-март күнине шекем даўам етеди. FIFA күнлери шеңберинде болып өтетуғын бул турнирде Өзбекстан, Венесуэла, Габон, Тринидад ҳәм Тобаго миллий сайланды командалары қатнасады.

Жарыс шеңбериндеги дәслепки ушырасыў “Пахтакор” стадионында Венесуэла – Тринидад ҳәм Тобаго миллий сайланды командалары арасында болып өтеди. Беллесиў саат 15:00 де басланады. Биз ушын әҳмийетли болған Өзбекстан ҳәм Габон сайланды командалары арасындағы ойын “Бунёдкор” стадионында саат 19:00 де старт алады.

Еслетип өтемиз, бул ушырасыўда футболшыларымыз Габонға қарсы ойында толық ақ формада майданға шығады, дәрўазабанымыз болса қара формада ҳәрекет етеди. Өзбекстан миллий сайланды командасы ушын бул турнир 2026-жылғы Жәҳән чемпионаты алдынан соңғы таярлық басқышы болады.

Жавоҳир Тошхўжаев, ӨзА