Тәжикстан Республикасы Президенти Эмомали Раҳмон мәмлекетлик сапар менен елимизде болып тур.

Жоқары мәртебели мийман 26-март күни “Жаңа Өзбекстан” паркине барып, Ғәрезсизлик монументине гүл қойды.

Илим-мәрипаты, мүнәсип әмеллери менен миллетлераралық қатнасықларды жоқары дәрежеде қәдирлеген ата-бабаларымыздың мийрасы бәрқулла дүнья жәмийетшилигиниң итибарында.

“Жаңа Өзбекстан” паркинин Ғәрезсизлик монументинде сәўлеленген уллылар тымсалы бүгин бәршемизге мақтаныш бағышлайды. Мәмлекетимиздиң өтмишин ҳәм келешегин сәўлелендиреди.

Тәжикстан Республикасы Президенти Емомали Раҳмон Ғәрезсизлик монументине гүл қояр екен, Ўатан азатлығыныӊ, ел абаданлығының айқын көриниси сыпатында мақтанышлы бой тиклеген комплекс алдында символикалық түрде бас ийди.

Дүнья цивилизациясына аўызбиршилик пенен үлес қосыўды жырлаған ата-бабаларымыздың ағартыўшылығын тән алып, ҳүрмет көрсетти.

Мәресимде Өзбекстан Республикасы Бас министри Абдулла Арипов ҳәм басқа да рәсмийлер қатнасты.

Марҳабо ҲОЖИАКБАРОВА,

Отабек МИРСОАТОВ (сүўрет, видео),

ӨзА