Пүткил мусылман үммети ушын муқаддес болған, руўхый пәклик, беккем ийман, мийрим-шәпәәт, дослық ҳәм аўызбиршилик сыяқлы жоқары қәдириятларды өзинде жәмлеген Рамазан айы ҳәм мүбәрек Ийд ал-Фитр байрамы мүнәсибети менен Өзбекстан Республикасы Президенти Шавкат Мирзиёевтиң атына сырт мәмлекетлер ҳәм ҳүкиметлер, ири халықаралық ҳәм регионаллық шөлкемлердиң басшылары, белгили дин ҳәм жәмийетлик ғайраткерлерден шын жүректен қутлықлаўлар келмекте.

Қутлықлаўларда көп миллетли Өзбекстан халқына тынышлық, татыўлық, абаданлық ҳәм раўажланыў тилеклери билдирилип, мәмлекетимиз бенен дослық қатнасықлар ҳәм өз-ара пайдалы шерикликти буннан былай да беккемлеў және кеңейтиўге умтылысы исенимли екени билдирилген.

Атап айтқанда, төмендегилер өз қутлықлаўларын жоллаған:

Саудия Арабстаны Патшасы Салмон бин Абдулазиз Ол Сауд;

Саудия Арабстаны Мийрасхоры, Министрлер Кабинетиниң Баслығы Муҳаммад бин Салмон бин Абдулазиз Ол Сауд;

Түркия Республикасы Президенти Режеп Таййип Эрдоған;

Қазақстан Республикасы Президенти Қасым-Жомарт Тоқаев;

Қырғыз Республикасы Президенти Садир Жапаров;

Тәжикстан Республикасы Президенти Эмомали Раҳмон;

Түркменстан Президенти Сердар Бердимуҳамедов;

Әзербайжан Республикасы Президенти Илҳам Алиев;

Бирлескен Араб Әмирликлери Президенти Шайх Муҳаммад бин Зоид Ол Наҳаён;

Бирлескен Араб Әмирликлери Вице-президенти, Бас министри, Дубай әмирлигиниң ҳәкими Шайх Муҳаммад бин Рошид Ол Мактум;

Бирлескен Араб Әмирликлери Вице-президенти Шайх Мансур бин Зоид Ол Наҳаён;

Египет Араб Республикасы Президенти Абдулфаттоҳ ас-Сиси;

Иран Ислам Республикасы Президенти Масъуд Пезешкиён;

Пакистан Ислам Республикасы Президенти Асиф Али Зардорий;

Пакистан Ислам Республикасының Бас министри Шаҳбоз Шариф;

Кувейт Мәмлекетиниң Әмири Шайх Мишъал ал-Аҳмад ал-Жобир ас-Сабоҳ;

Кувейт Мәмлекети Мийрасхоры Шайх Сабоҳ ал-Холид ал-Ҳамад ас-Сабоҳ;

Иордания Ҳошимийлер Патшалығы Патшасы Абдулла II;

Ҳиндстан Республикасы Бас министри Нарендра Моди;

Оман Султаны Ҳайсам бин Ториқ Ол Саид;

Бахрейн Патшасы Шайх Ҳамад бин Исо ал-Халифа;

Алжир Халық Демократиялық Республикасы Президенти Абдулмажид Таббун;

Палестина Мәмлекети Президенти Маҳмуд Аббос;

Ливия Мәмлекети Президент кеңесиниң басшысы Муҳаммад Юнус ал-Манфи;

Аўғанстан Бас министри ўазыйпасын атқарыўшы Молла Муҳаммад Ҳасан Охунд;

Комор атаўлары Аўқамы Президенти Ғазалий Османий;

Израиль Мәмлекети Президенти Ицхак Герцог;

Бирлескен Миллетлер Шөлкеминиң Билимлендириў, илим ҳәм мәденият мәселелери бойынша шөлкеми (UNESCO) бас директоры Ҳолид ал-Ананий;

Шанхай бирге ислесиў шөлкеминиң бас хаткери Нурлан Ермекбаев;

Шанхай бирге ислесиў шөлкеми Регионаллық антитеррор структурасы Атқарыў комитетиниң директоры Уларбек Шаршеев;

Түркий мәмлекетлер шөлкеминиң бас хаткери Кубаничбек Омуралиев;

Түркий мәмлекетлер шөлкеми Ақсақаллар кеңесиниң баслығы Бинали Йилдирим;

Ислам бирге ислесиў шөлкеминиң бас хаткери Ҳусайн Иброҳим Тоҳа;

Билимлендириў, илим ҳәм мәденият мәселелери бойынша ислам шөлкеми (ICESCO)ның бас директоры Салим ал-Малик;

Экономикалық бирге ислесиў шөлкеминиң бас хаткери Асад Хан;

Буғаз араб мәмлекетлери бирге ислесиў кеңесиниң бас хаткери Жасим Муҳаммад ал-Будайвий;

Кавказ мусылманлары басқармасы баслығы Шайхулислом Оллоҳшукур Пошозода.

 

Қутлықлаўлар келиўде даўам етпекте.