Президент Шавкат Мирзиёевтиң басшылығында халықтың мүрәжатлары менен ислесиў системасын жетилистириў бойынша видеоселектор мәжилиси даўам етпекте.

Мәмлекетимизде ҳәр он мың адамға орташа 319 арза ҳәм шағым туўра келип атырғаны атап өтилди.

Бирақ бул көрсеткиш Ташкент қаласында 535, Наўайы ўәлаятында 462, Сырдәрья ҳәм Сурхандәрьяда 452, Жиззақта 430, Қашқадәрьяда 368, Ташкент ўәлаятында 350 ди қурамақта.

Дийқанабад, Мирабад районлары, Наўайы, Аҳангаран ҳәм Янгиер қалаларында ҳәр он мың халыққа туўра келетуғын арзалар саны басқа районларға қарағанда 2 есеге жоқары екени көрсетип өтилди.

Ямаса республикада мүрәжатлар саны 16 процентке азайғаны менен Қараўылбазар, Нурата, Кенимех, Топыраққала районлары, Наманган қаласында алдынғы жылдан 50 процентке шекем артқан.

Бухара, Кармана, Үшқудиқ, Сардоба, Ховос, Бостанлық районлары, Ангрен, Ғазғон қаласы ҳәкимлери мәҳәлледеги 4-5 адам менен “көзабаға” сөйлесип, көшпели қабыллаў өткердим, деп жүргени сынға алынды.

ӨзА