Өзбекстан Республикасы Экология, қоршаған орталықты қорғаў ҳәм климат өзгериўи министрлиги, Туризм комитети, Жоқары билимлендириў, илим ҳәм инновациялар министрлиги, Қарақалпақстан Республикасы Министрлер Кеңеси, «Өзбекстан темир жоллары» АЖ ҳәм басқа да тийисли шөлкемлер менен биргеликте шөлкемлестирилген «Арал теңизине поезд» жаслар экологиялық акциясы қатнасыўшылары Аралбойы халықаралық инновация орайына барды.

Өзбекстанның барлық аймақларынан таңлап алынған 600 ден аслам белсенди, интакер жасларға Аралбойы регионында әмелге асырылып атырған инновациялық қолланбалар ҳәм экологиялық басламалар таныстырылды.

Тоғайларды тиклеў жойбарларына, соның ишинде, Арал теңизиниң қурыған ултанында шорға шыдамлы терек ҳәм путалар егиў бойынша ең ири жойбарға айрықша итибар қаратылды. Сондай-ақ, студентлер тәбияттан турақлы пайдаланыў, қоршаған орталықтың санлы мониторинги, «жасыл» технологияларды енгизиў ҳәм экологиялық туризмди раўажландырыў бойынша заманагөй көзқараслар менен танысты.

 ӨзА