«Өзбекнефтьгаз» акционерлик жәмийетинде «Япония-Өзбекстан Уллы жипек жолы» қорының сыртқы саўда, инвестиция ҳәм инфраструктура бойынша жумысшы топарының баслығы Мамору Секияма басшылығындағы делегация ағзалары менен ушырасыў болып өтти.

Сөйлесиўде «Өзбекнефтьгаз»  АЖ менен Японияның «Toyo Engineering Corporation» «Marubeni Corporation»компаниялары арасындағы бирге ислесиўдиң үлкен инвестициясы Бухара нефтьти қайта ислеў заводы ҳәм «Шортан» газ-химия комплекси жумысында өзиниң айқын көринисин таўып атырғаны атап өтилди.

Өзбекстан санаатында Япония технологияларынан үнемли пайдаланылмақта. Әсиресе, «Синтетикалық суйық жанылғы ислеп шығарыўды шөлкемлестириў» жойбары шеңберинде«Hitachi» компаниясы тәрепинен ислеп шығарылып атырған Фишер-Тропш реакторлары газ-химия тармағының раўажланыўында қолайлы болмақта.

Япониялы бирге ислесиўшилер «Өзбекнефтьгаз» АЖ ның инвестициялық жойбарларында қатнасыўға таяр екенин билдирди. Инвесторлар газ-химия комплекслерин үскенелер менен тәмийинлеўге қызығыўшылық билдирмекте.

Сөйлесиў соңында биргеликте нефть-газ санааты тараўындағы бирге ислесиўдиң жаңа бағдарларын толық үйрениў, жаңа жойбарлар ислеп шығыў ҳәм әмелге асырыў имканиятларын көрип шығыўға келисип алынды.

ӨзА