Бүгин елимиздиң барлық қала ҳәм районларында болғаны сыяқлы, Беруний районында да Өзбекстан Республикасы Олий Мажлиси Нызамшылық палатасы, Қарақалпақстан Республикасы Жоқарғы Кеңеси ҳәм жергиликли Кеңеслерге депутатларды сайлаў қызғын даўам етпекте.
Әсиресе, бул сиясий мапазда Наўайы аўыл пуқаралар жыйыны турғынлары өзлериниң белсендиликлерин көрсетпекте.
-Сайлаў участкамызда 1528 сайлаўшы болып, соннан 63 жас өз өмиринде биринши мәрте сайлаўларға қатнаспақта,-дейди 163- участкалық сайлаў комиссияның баслығы Қадамбай –Соның ишинде, 5 пуқара мүддетинен бурын даўыс берди. Саат 17:00 ге шекем 1252 сайлаўшы өзлериниң қәлеген талабан ҳәм партияларына даўыс берди.
Аймақта еле пуқаралардың даўыс бериўи даўам етпекте.
Адилбай Оразов,
Қарақалпақстан хабар агентлиги шолыўшысы