Мәмлекетимиз бойлап Олий Мажлис Нызамшылық палатасы ҳәм жергиликли Кеңеслер депутатлары сайлаўында даўыс бериў процесслери даўам етпекте.
Орайлық сайлаў комиссиясының Баспасөз орайында ОСК баслығы орынбасары Б.Қучқоровтың қатнасыўында гезектеги брифинг болып өтти. Онда сайлаў процесслериниң барысы бойынша мағлыўматлар берилди.
Атап өтилгениндей, 15:00 жағдайына жәми сайлаўшылардың 12 миллион 504 мың 688 яки 62,70 проценти даўыс бериўде қатнасқан.
Сондай-ақ, брифингте Орайлық сайлаў комиссиясы жанындағы Мәлимлеме орайының 12-00 қысқа номерине 15:00 ге шекем пуқаралардан жәми 131 мүрәжат келип түскени айтып өтилди.
ӨзА