Қараөзек районы кәсип-өнер мектебинде «Сайлаў ҳәм жаслар» атамасындағы үгит-нәсият илажы шеңберинде Жаслар ислери агентлиги ҳәм Республика Руўхыйлық ҳәм ағартыўшылық орайы районлық бөлими менен биргеликте биринши мәрте даўыс бериўши жаслардың қатнасыўында семинар шөлкемлестирилди.
Семинар даўамында жасларға елимизде 27-октябрь күни өткерилетуғын сайлаў ҳаққында кеңнен түсиник берилип, онда ҳәр бир даўыс әҳмийетке ийе екенлиги, жаслар сайлаўда даўыс бериў арқалы өзлериниң келешегин жарататуғынлығы ҳаққында айтып өтилди ҳәм сайлаўда белсенди болыўға шақырылды.
Сондай-ақ, илаж шеңберинде район жасларының қатнасыўында зәкаўат интеллектуаллық ойыны, спорттың стол теннис, шахмат-шашка түрлеринен жарыслар шөлкемлестирилди.
Илаж соңында «Сайлаў ҳәм жаслар» атамасында викториналар өткерилип, мәденият тараўы хызметкерлери тәрепинен концерт бағдарламалары жаслар нәзерине усынылды.
Адилбай Оразов,
Қарақалпақстан хабар агентлиги шолыўшысы