Хабар бергенимиздей, Өзбекстан спорт делегациясы «Париж-2024» XVII жазғы Паралимпия ойынларында қатнасыў ушын Франция пайтахтына жетип келди. Усы мүнәсибет пенен делегация админстрациясы пара спортшыларымыз жасап атырған Паралимпия қалашасына барып, ол жерде жаратылған шараятлар менен танысты.
Дәслеп, Өзбекстан Миллий паралимпия комитети басшысы – Азия Паралимпия комитети вице-президенти Мухторхон Тошхўжаев ҳәм Спорт министриниң орынбасары Мурод Исмоилов басшылығындағы жуўапкерлердиң қатнасыўында қаладағы Өзбекстан делегациясының оператив штабында мәжилис өткерилди. Онда ҳәр бир қәнигеге өзине жүкленген ўазыйпаларды жоқары дәрежеде орынлаў, елимиз пара атлетлери ушын барлық шараятларды жаратып бериў бойынша тийисли көрсетпелер берилди. Соң, болажақ ойынлар алдынан пәтия берилип, шыдамлы пара спортшыларымызға әўмет ҳәм табыслар тиледи.
Буннан кейин жуўапкерлер делегациямыз ушын ажыратылған ханалар, медицина бөлими ҳәм спортшылардың аўқатланыўы ушын жаратылып берилген шараятларды көзден өткерди.
Жавоҳир Тошхўжаев, ӨзА