Қурама Штатлар усы ҳәптеде Бирлескен Миллетлер Шөлкеми Қәўипсизлик кеңесинде Россияның Донецк, Луганск, Запорожье ҳәм Херсон ўәлаятларында референдум өткерилиўине байланыслы резолюцияның жойбарын даўысқа қойыўы мүмкин.

Бул ҳаққында АҚШтың БМШтағы турақлы ўәкили Линда Томас-Гринфилд хабар берди.

«Бизиң режемиз – резолюция жойбарын даўысқа қойыў», деген сиясатшы.

АҚШ ҳәм Албания БМШ Қәўипсизлик кеңесинде Донецк ҳәм Луганск, Запорожье ҳәм Херсон ўәлаятларында усы аймақлардың Россия Федерациясы қурамына қосылыўы мәселеси бойынша референдум өткериў ҳаққындағы резолюция жойбарын усынды.

Соның менен бирге, Қурама Штатлар Қәўипсизлик кеңесинде резолюция жойбары қабыл етилмей қалса, бул жағдайда БМШ Бас Ассамблеясында референдум нәтийжелерин баҳалаў мәселесин көтериў нийетин билдирди.

ӨзА