Ózbekstan Respublikası PrezidentinińPármanı

Ózbekstan Respublikası hám Amerika Qurama Shtatları arasında óz-ara paydalı sawda-investiciyalıq hám kommerciyalıq baylanıslardı bunnan bılay da keńeytiw hám bekkemlew jáne isbilermenlik ortalıǵın sapa jaǵınan jaqsılaw hám isbilermenlik jumısın qollap-quwatlaw, bul baǵdarda jumıslardı nátiyjeli shólkemlestiriw maqsetinde qarar etemen:
1. Ózbekstan Respublikası Prezidentiniń 2025-jıl 4-6-noyabr kúnleri AQShqa saparı dawamında “S5+1” sammiti sheńberinde Ózbekstan tárepinen Ózbekstan Respublikası Prezidenti Administraciyası basshısı hám Amerika tárepi menen kelisilgen halda AQSh Prezidenti wákili basshılıǵında Amerika-Ózbekstan isbilermenlik hám investiciya keńesin (keyingi orınlarda – Keńes) shólkemlestiriw boyınsha kelisimge erisilgenligi maǵlıwmat ushın qabıl etilsin.
2. Ózbekstan Respublikası Prezidenti Administraciyasınıń basshısına Ózbekstan tárepinen Keńestiń quramın, onıń reglamentin hám jumıs tártip-qaǵıydaların tastıyıqlaw wákilligi berilsin.
3. Keńeske kórip shıǵıw ushın kirgiziletuǵın tómendegi máselelerdi islep shıǵıw áhmiyetli esaplanatuǵını belgilensin:
(a) strategiyalıq biznes baslamaları, iri investiciya hám sawda joybarlarınıń islep shıǵılıwı hám kelisiliwin muwapıqlastırıw, sonday-aq, olardıń ámelge asırılıwın turaqlı monitoring etiw;
(b) Ózbekstanǵa qosımsha investiciyalardı tartıw ushın arnawlı investiciya fondın jaratıw, iri investorlar sıpatında Xalıqaralıq finanslıq rawajlanıw korporaciyasın (DFC) hám Ózbekstan tárepinen de investorlardı belgilew, sonday-aq, áhmiyetli infrastrukturalıq hám strategiyalıq joybarlardı qarjılandırıw hám qáwip-qáterlerdi bólistiriw ushın iri finans institutların (ETRB, XMK, ADB) tartıw;
(v) tarif stavkaların óz ara tómenletiw máseleleri boyinsha sóylesiwlerdi dawam ettiriw;
(g) Programmalıq ónimler hám málimleme texnologiyaları texnologiyalıq parki (IT-park) rezidentleri bolǵan kompaniyalar ónimleri hám xızmetlerin sistemalı túrde alǵa súriw;
(d) mámlekettiń investiciyalıq portfelin, soniń ishinde, Ózbekstan Respublikası Oraylıq banki valyuta rezerviniń bir bólegin hám basqa aktivlerin diversifikaciyalaw boyınsha usınıslar kirgiziw.
Sırtqı siyasiy hám mámleketlik baslamalardı muwapıqlastırıw nátiyjeliligin arttırıw maqsetinde 2026-jıl 1-yanvardan Ózbekstannıń AQShtaǵı elshixanası strukturasına qosımsha keńesgóy-elshiler – Ózbekstan Respublikası Prezidenti Administraciyasınıń AQShtaǵı wákili (keyingi orınlarda – keńesgóy-elshiler) lawazımı kirgizilsin. Belgilensin:
(a) keńesgóy-elshi lawazımına tayınlaw hám onnan azat etiw, sonday-aq, jumısınıń reglamentin tastıyıqlaw Ózbekstan Respublikası Prezidenti Administraciyası basshısı tárepinen ámelge asırıladı;
(b) keńesgóy-elshi óz jumısında Ózbekstan Respublikası Prezidenti Administraciyası basshısına esap beredi hám Ózbekstan Respublikasınıń AQShtaǵı diplomatiyalıq wákilxanası basshısınıń jumısın eki tárepleme qatnasıqlardı rawajlandırıw jaǵınan qollap-quwatlawǵa juwapker esaplanadı.
5. Keńesgóy-elshiniń moynına tómendegi wazıypalar júklensin:
(a) Ózbekstan hám AQShta iri hám strategiyalıq investiciya hám sawda joybarların ámelge asırıw máseleleri boyınsha tikkeley baslama kórsetiw hám dodalaw;
(b) Ózbekstan tárepinen Keńestiń jumısın kompleksli muwapıqlastırıw.
6. Investiciyalıq-sawda blogın bekkemlew hám isbilermenlik birge islesiwin keńeytiw, Keńestiń máseleleri hám joybarların tabıslı ámelge asırıw, sonday-aq, keńesgóy-elshiniń jumısına járdemlesiw maqsetinde Ózbekstan Respublikası Sırtqı isler ministrligi:
(a) Ózbekstan Respublikası Investiciyalar, sanaat hám sawda ministrligi menen birgelikte úsh hápte múddette Ózbekstan Respublikasınıń AQShtaǵı elshixanası xızmetkerleriniń shtat birligin kóbeytiw haqqında usınıs kirgizsin;
(b) bir ay múddette AQSh aymaǵında qosımsha konsullıqlar ashıw máselesin islep shıqsın, bunda geografiyalıq qamtıp alıwdı támiyinlew ushın kontingentke AQSh tarmaqlarınıń tiykarǵı xabları menen isleytuǵın xızmetkerler hám qánigelerdi kirgizsin hám de watanlaslar úlken diasporaları eń kóp toplanǵan aymaqlardı (Filadelfiya, CHikago, Orlando hám Sietl qalaları) esapqa alsın.
AQShtıń barlıq shtatlarında jasap atırǵan ózbek diasporaları menen nátiyjeli birge islesiw modelin islep shıǵıw hám tabıslı ámelge asırıw – AQSh aymaǵında jańadan shólkemlestirilip atırǵan konsullıqlardıń tiykarǵı wazıypalarınan biri etip belgilensin.
8. 2026-jıl 1-yanvardan baslap sırt el kárxanalarınıń ustav fondın qáliplestiriw (yamasa kapitalda qatnasıw) ushın AQShtaǵı investiciyalıq jumısı boyınsha rezidentlerdiń operaciyaları – Ózbekstan Respublikasındaǵı banklerde rezidentlerdiń esap betlerinen pul qarjıların ótkeriw, AQShtaǵı filialların aylanıs qarjılar menen tolıqtırıw sheklewlersiz, rezidentlerdiń esap betlerindegi qarjılar sheńberinde ámelge asırılatuǵını belgilensin.
Ózbekstan Respublikası Oraylıq banki bir ay múddette nızamshılıq hújjetlerine usı bánttiń talaplarınan kelip shıǵatuǵın ózgerisler kirgizsin.
Ekonomika hám qarjı ministrligi Oraylıq bank penen birgelikte dáramattı arttırıw maqsetinde Keńeske eń paydalı hám joqarı likvidli, sonıń ishinde, AQShta jaylasqan aktivlerge baǵdarlaw ushın mámlekettiń investiciyalıq aktivleri hám valyuta rezervleri strukturasın jetilistiriw boyınsha usınıslar kirgizsin.
10. Investiciyalar, sanaat hám sawda ministrligi Ózbekstan Respublikası Sırtqı isler ministrligi menen birgelikte:
a) eki hápte múddette Amerika tárepi menen birgelikte turaqlı ofisi AQShta bolǵan Keńestiń atqarıw uyımı xızmetkerleriniń turaqlı shtatın, sonıń ishinde AQSh qánigelerinen ibarat quramda qáliplestiriw máselesin úyrenip shıqsın;
(b) jigirma kún múddette Ózbekstan tárepinen Keńestiń reglamentin hám jumıs tártip-qaǵıydaların tastıyıqlaw ushın kirgizsin;
(v) bir ay múddette:
(i) Ózbekstan tárepinen Keńes quramın, sonıń ishinde, oǵan Amerika isbilermenlik hám investiciya jámiyetshiliginiń abıraylı wákillerin tartqan halda tastıyıqlawǵa kirgizsin;
(ii) Amerika tárepi menen Investiciyalardı óz-ara qollap-quwatlaw hám qorǵaw haqqındaǵı kelisim boyınsha sóylesiwlerdi baslasın.
Ózbekistan Respublikası Sırtqı isler ministrligi mápdar ministrlikler hám uyımlar menen birgelikte bir ay múddette nızamshılıq hújjetlerine usı Pármannan kelip shıǵatuǵın ózgerisler hám qosımshalar haqqında usınıslar kirgizsin.
12. Usı Pármannıń orınlanıwın qadaǵalaw Ózbekstan Respublikası Prezidenti Administraciyasınıń basshısı S.Sh. Mirziyoevaǵa júklensin.

Ózbekstan Respublikası Prezidenti
Sh. Mirziyoev