Өзбекстан Республикасы Президенти Шавкат Мирзиёев 9-октябрь күни хызмет сапары менен Тәжикстан Республикасына келди.

Душанбе халықаралық аэропортында мәмлекетимиз басшысын Тәжикстан Республикасы Бас министри Қоҳир Расулзода ҳәм басқа да рәсмий шахслар күтип алды.

Сапардың бағдарламасына муўапық, Өзбекстан жетекшиси “Орайлық Азия – Россия” форматындағы екинши саммитке ҳәм Ғәрезсиз Мәмлекетлердиң Дослық Аўқамы Мәмлекет басшылары кеңесиниң гезектеги мәжилисине қатнасады.