Sońǵı waqıtları puqaralardıń atına olardıń razılıǵısız kredit rásmiylestiriwge baylanıslı jaǵdaylar kóbeymekte. Tashkent wálayatı IIBB bunday jaǵdaydan qalay qorǵanıw haqqında maǵlıwmat berdi.

Bunıń ushın «MyGov» qosımshasında arnawlı xızmet engizilgen bolıp, bul xızmet tómendegi tártipte aktivlestiriledi:

• «Google Play» yaki «App Store» arqalı «MyGov» qosımshasın júklep alasız;
• «MyID» arqalı pasport nomerińiz hám tuwılǵan sánesińizdi kirgizip, shaxsıńızdı tastıyıqlaysız;
• “Kredit kelisimin dúziwge shek qoyıw xızmetin tańlap onı aktivlestiresiz;
• Siz aktivlestirgen qadaǵan etiw haqqındaǵı maǵlıwmatlar “Kredit kelisimin dúziwi qadaǵan etilgen shaxslar reestri”ne kirgiziledi.
Usı reestr tiykarında bankler hám finanslıq shólkemler atıńızǵa kredit rásmiylestire almaydı, aldawshılar ushın jol pútkilley jabıladı,-dep málimleme beredi xs.uz saytı.

Qaraqalpaqstan xabar agentligi