Prezident Shavkat Mirziyoevtiń qatnasıwında Xalıq deputatları Samarqand wálayatı Keńesiniń gezeksiz sessiyası bolıp ótpekte.

Imam Buxariy mavzoleyi aymaǵı 45 gektarǵa shekem keńeytilip, 10 mıń adamlıq meshit, innovaciyalıq muzey qurıldı, átirapında onlaǵan miymanxana hám miyman úyleri qurılmaqta.
Eger Indoneziya, Malayziyadan aldınǵı turistlik kompaniyalar alıp kelinip, miymanxanalar basqarıwǵa berilip, óz-ara paydalı birge islesiw jolǵa qoyılsa, turistler aǵımı jáne de keskin kóbeyetuǵını atap ótildi.
Búgin wálayat tek ǵana turizmde emes, al sanaat, awıl xojalıǵı hám xızmet kórsetiwdegi úlken potencialı menen investor hám isbilermenler ushın haqıyqıy tartımlı orınǵa aylanıp barmaqta.
– Endi Samarqand – jumıssızlıq hám kámbaǵallıqtı qısqartıw, investiciya, eksport, ulıwma barlıq tarawda metodikalıq wálayat bolıwı kerek. Bunıń ushın rayon hákimleri óz aymaǵınıń ózgesheliginen kelip shıǵıp, shtatların tallap, nátiyjesizlerin qısqartıp, sırt elden zamanagóy menedjerler, qánigeler alıp kelip, jańasha islewge ótiwi zárúr, – dedi mámleketimiz basshısı.

ÓzA