(Qaraqalpaq tili hám ádebiyatı qánigeliginiń 90 jıllıǵına)

Júregimniń tórinde – Quyashım, Ayım,
Altın háripler menen jazılǵan atıń.
Seni máńgi saqlaǵay, Táńrim – Qudayım,
Qaraqalpaq tili hám ádebiyatı!…

Aqılımnıń, sanamnıń juldızı – óziń!
Bul álemdi tanıtqan Kúndizim – óziń!
Watan yańlı dúnyada jalǵızım – óziń!
Qaraqalpaq tili hám ádebiyatı!

Bul dúnyada júdá mol qánigelikler,
Óz kásibin hár insan maqtar, táripler,
“Filologiya!” desem, ilham, yosh keler,
Qaraqalpaq tili hám ádebiyatı.

Toqsan jasıń xalqıma múbárek bolsın,
Dańqıńa baxıt jáne dáwlet qus qonsın.
Jasıń júzge hám mıńǵa, millionǵa tolsın!
Qaraqalpaq tili hám álebiyatı!

Baxtıyar GENJEMURATOV
Ózbekstan xalıq shayırı
Qaraqalpaqstan xabar agentligi