Ózbekstan Respublikası Prezidenti Shavkat Mirziyoev 17-avgust kúni Rossiya Federaciyası Prezidenti Vladimir Putin menen telefon arqalı sóylesti.

Xalıqaralıq hám eki tárepleme kún tártibiniń áhmiyetli tárepleri dodalandı.
Rossiya Prezidenti mámleketimiz basshısına 15-avgust kúni Ankorij qalasında bolıp ótken Rossiya-AQSh sammitiniń tiykarǵı nátiyjeleri haqqında maǵlıwmat berdi.
Mámleketimiz basshısı erisilgen kelisimlerdi qollap-quwatlap, Ukraina átirapındaǵı jaǵday tez pursatta tártipke salınıwına úmit bildirdi.
Sawda-ekonomikalıq birge islesiwdiń házirgi pátin saqlap qalıw jáne Ózbekstan hám Rossiya kárxanalarınıń tiykarǵı kooperaciya joybarların jedellestiriwge qaratılǵan muwapıqlastırılǵan ilajlar kóriw máseleleri de kórip shıǵıldı. Barlıq dárejelerde jedel sóylesiw hám almasıwlardı dawam ettiriw áhmiyetli ekenligi atap ótildi.

ÓzA