Ózbekstan Respublikası Prezidenti Shavkat Mirziyoev Qazaqstan Respublikası Prezidenti Qasım-Jomart Toqaevtıń mirát etiwine bola, “Oraylıq Aziya – Qıtay” formatındaǵı ekinshi sammitte qatnasıw ushın 17-iyun kúni ámeliy sapar menen Astana qalasında boladı.

Ilajda region mámleketleriniń basshıları hám Qıtay Xalıq Respublikasınıń Baslıǵı Si Czinpin qatnasadı. Siyasiy, sawda-ekonomikalıq hám mádeniy-gumanitarlıq tarawlardaǵı kóp tárepleme birge islesiwdi bunnan bılay da rawajlandırıw máseleleri kórip shıǵıladı, regionallıq hám xalıqaralıq áhmiyetke iye aktual máseleler boyınsha pikir alısadı. Juwmaǵında birgeliktegi hújjetlerdiń qabıl etiliwi názerde tutılǵan.
Sammit sheńberinde Ózbekstan Prezidenti Qıtay Baslıǵı menen eki tárepleme ushırasıw da ótkeredi.
Bul formattaǵı birinshi sammit Oraylıq Aziya mámleketleri hám Qıtay arasındaǵı sheriklik qatnasıqların bekkemlew hám ámeliy birge islesiwdi keńeytiw maqsetinde 2023-jıldıń may ayında Qıtaydıń Sian qalasında bolıp ótkenin atap ótiw kerek.

ÓzA