Тўрткўл туман ҳокимлиги томонидан “10 кун давомида энг кўп пахта терган теримчи оила“ мусобақасида 2879 килограмм пахта териб, энг юқори натижа кўрсатган Марям Аҳмедованинг оиласига мотоцикл топширилди.

Тўрткўл тумани ҳокимияти матбуот хизмати хабарига кўра, мусобақа секторлар кесимида ўтказилган. Унга кўра, 1-ўринга муносиб кўрилган оилага музлатгич, 2-ўринни эгаллаган илғор теримчи оиласига телевизор ва 3-ўринни эгаллаган оилаларга электр печкалари тақдим қилинган.

Совғалар туман ҳокимлиги иштирокида тантанали равишда топширилган.