Мамлакатимизда расмий ташриф билан бўлиб турган Россия Федерацияси Федерал Мажлиси Федерация Кенгаши Раиси Валентина Матвиенко 3 октябрь куни Бухоро вилоятига келди.
Юқори мартабали меҳмонни Бухоро халқаро аэропортида Ўзбекистон Республикаси Олий Мажлиси Сенатининг Раиси Танзила Норбоева ва Бухоро вилояти ҳокими Ўктам Барноев кутиб олди.
Валентина Матвиенко ташриф давомида Когон туманида жойлашган Баҳоуддин Нақшбанд мажмуаси, Бухоро шаҳрининг меъморий обидалари ва бошқа диққатга сазовор жойлари билан танишади.
Эркин ЁДГОРОВ, Тоҳир ИСТАТОВ (сурат), ЎзА