TripAdvisor агрегатори йўловчилар фикри асосида бу йилги энг яхши авиакомпаниялар рейтингини эълон қилди. Сингапурнинг Singapore Airlines компанияси дунёнинг энг яхши авиакомпаниялари рўйхатини бошқармоқда.
Иккинчи ва учинчи ўринларни Қатарнинг Qatar Airways, Тайваннинг EVA Airкомпаниялари эгаллаган. Етакчилар бешлигини Бирлашган Араб Амирликларининг Emirates ва Япониянинг Japan Airlines компаниялари якунлаган.
Энг яхши ўнликка Американинг Southwest Airlines, Бразилиянинг Azul, Янги Зеландиянинг Air New Zealand, Буюк Британиянинг Jet2.com ва Япониянинг All Nippon Airways (ANA) компаниялари кирган.
Emirates — энг яхши биринчи класс салони, Qatar Airways — энг яхши бизнес класс салони, Air New Zealand ва Singapore Airlines — энг яхши премиум-эконом ва эконом класс салонлари учун йўловчилар эътирофига сазовор бўлган.
ЎзА