Ўтган 2018 йилнинг декабрь ойида профессионал боксчимиз Шоҳжаҳон Эргашев Россиянинг Краснодар шаҳрида ўтган жангда аргентиналик Назарено Гастон Руизни биринчи раундда, 18 сонияда нокаутга учратиб, ғалаба қозонган эди.
Мазкур жангдан сўнг жорий йилнинг илк ойида Жаҳон бокс ассоциацияси “WBA“ янгиланган рейтинг жадвалини эълон қилди. Унга кўра, Шоҳжаҳон Эргашев жадвалнинг 5 ўрнидан жой олди. Аввал у ушбу жадвалнинг еттинчи поғонасида бораётган эди.
Мазкур рейтинг жадвалининг кучли учлигида Марио Барриос (АҚШ), Ботир Аҳмедов (Россия), Ҳироки Окада (Япония) бормоқда.
Эслатиб ўтамиз, Шоҳжаҳон 15 февралда ўзининг навбатдаги жангини Канзас штатидаги (АҚШ) Малван шаҳрида ўтказади. Унда боксчимизгa америкалик боксчи Микал Фоксга қарши рингга кўтарилади.
Жавоҳир ТОШХЎЖАЕВ, ЎзА