Мажлис давомида Сенат ваколатларига кирадиган 23 масала, шу жумладан, мамлакатимизда амалга оширилаётган ислоҳотларнинг самарадорлигини оширишга, халқаро ҳамкорликни ривожлантиришга, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол тадбиркорлик, инновацион ғоялар ва технологияларни қўллаб-қувватлаш йили”да амалга оширишга оид Давлат дастурини изчил ижро этишга қаратилган 10 қонун кўриб чиқилди.

Таъкидланганидек, сенаторлар томонидан қабул қилинган қарорлар халқаро ҳамкорликни кенгайтиришда, мамлакатимиз ён-атрофида хавфсизлик муҳитини яратишда, фуқаролар ҳуқуқлари, эркинликлари ва қонуний манфаатлари кафолатларини янада мустаҳкамлашда, мамлакатимизда барқарорлик ва фаровонликни таъминлашда муҳим омил бўлиб хизмат қилади.

Шунинг билан Ўзбекистон Республикаси Олий Мажлиси Сенатининг ўн бешинчи ялпи мажлиси иши якунлади.