Пойтахтимизнинг Юнусобод туманидаги 21-сонли Меҳрибонлик уйида байрам кўтаринки руҳда нишонланди.
Бу ерга байрам муносабати билан Ички ишлар вазирлиги академияси ўқитувчилари, тингловчилари ташриф буюриб, болаларни байрам билан қутлади.
Бугун 96 нафар бола тарбияланаётган Меҳрибонлик уйида барча қулайликлар мавжуд. Болаларнинг жисмонан соғлом, маънан етук бўлиб улғайиши учун зарур шароитлар яратилган.
Тадбирда болалар шеър ва қўшиқлар ижро этди. Ички ишлар академиясининг бадиий ҳаваскорлик тўгараги аъзолари томонидан тайёрланган концерт дастури уларга байрам кайфиятини улашди.
Гулноза Бобоева, ЎзА