Фазлиддин Ғоибназаровдан яна бир ғалаба!

Фазлиддин шу кунгача профессионал боксда учта жанг ўтказган ва уларнинг барчасида ишончли ғалаба қозонган, шулардан биттасини нокаут билан енган эди. Энди унинг ҳисобига тўртинчи ютуқ, шундан иккинчи нокаут ҳолати ҳам ёзиб қўйиладиган бўлди.
Бокс бўйича Олимпиада ўйинлари ғолиби, айни пайтда эса профессионал боксда фаолиятини давом эттираётган Фазлиддин Ғоибназаров АҚШнинг Нью-Йорк шаҳридаги «Madison Square Garden» аренасида ўзининг тўртинчи жангини ўтказди.
Мексикалик Хесус Силвейрага қарши саккиз раундлик жангга чиққан ҳамюртимиз тўртинчи раундидаёқ рақибини нокаутга учратди ва профессионал боксдаги фаолиятининг тўртинчи жангини ҳам ғалаба билан якунлади.
Фазлиддин шу кунгача профессионал боксда учта жанг ўтказган ва уларнинг барчасида ишончли ғалаба қозонган, шулардан биттасини нокаут билан енган эди. Энди унинг ҳисобига тўртинчи ютуқ, шундан иккинчи нокаут ҳолати ҳам ёзиб қўйиладиган бўлди. Унинг рақиби Хесус Силвейра эса шу кунгача 15та жанг ўтказиб, уларнинг 8 тасида устунликка эришган (3таси нокаут), иккитасида дуранг қайд этган ва бешта жангда мағлубиятга учраганди. Энди унинг “коллекцияси” яна битта мағлубият билан “бойиди”.

 

ЎзА